Elikadura osasungarria funtsezkoa da osasunerako eta bizitzan zehar ongizatea izateko. Osasungarriak ez diren dietak arriskutsuak dira mundu osoko osasun publikorako, malnutrizioaren forma guztiak eragiten baitituzte (desnutrizioa, mikromantenugaien gabezia, gainpisua, obesitatea eta dietarekin lotutako gaixotasun ez-transmitigarriak).

Umeek egunaren zati handi bat ematen dute ikastetxean; hortaz, ikastetxea funtsezko ingurunea da bizitza osorako ohitura osasungarriak hartzeko eta osasunaren eta nutrizioaren arloan desberdinkeriak murrizteko. Hala ere, ikastetxe askotan eta haien inguruan eskuragarri dauden, zerbitzatzen, saltzen edo sustatzen diren elikagaien artean maiz egoten dira gantz ase, gantz-azido trans, azukre eta gatz ase ugariko produktuak, nazioko dietetika gidalerroekin bat ez datozenak.

Hori dela eta, OMEk gidalerro bat argitaratu du, zeinaren helburua baita estatu kideei ebidentzian eta gogoetetan oinarritutako gomendioak ematea, ikastetxeetako elikadura-inguruneak hobetzeko politikak ezar daitezen.

Gidak hiru arlo ditu:

  • Ikastetxeetan elikagaiak zuzenean hornitzea;
  • nutrizio-arauak edo -estandarrak ikastetxeetan zerbitzatzen edo saltzen diren elikagai eta edarientzat;
  • aukera osasungarriagoak sustatzeko ikastetxeetako elikadura-ingurunea aldatzen duten esku-hartzeak;

Gomendioen xedea da dieta osasungarria osatzen duten elikagai eta edariak eskuragarri izatea, erostea eta kontsumitzea, eta dieta osasungarria osatzen ez dutenen presentzia eta kontsumoa murriztea. Gidak azpimarratzen du ikastetxeetan eman, zerbitzatzen, saltzen edo kontsumitzen diren elikagai eta edariek seguruak izan behar dutela eta dieta osasungarria osatu behar dutela, haurren eskubideekin eta osasun publikoaren nazioko helburuekin bat etorriz.

Policies and interventions to create healthy school food environments (WHO guideline)